සැම්සන් සමාගම විසින් එළැඹෙන ජනවාරියේදී ස්මාට් බෙල්ට් එකක් නිකුත් කිරීමට කටයුතු කරනු ලබනවා. එමඟින් ඔබගේ ඉණ සහ සෞඛ්‍ය තත්ත්වය පිළිබඳව දැනගැනීමට හැකි වෙනවා.
එහි සංවේදකයන් සහ පාදමානයන් (සෙඩෝ මීටර්) අන්තර්ගත කර ඇත. මෙම බෙල්ට් එක දුරකතනයක් සේ චාර්ජ් කළ හැකි අතර එය වරක් චාර්ජ් කළ පසු දින 20ක් පමණ භාවිත කිරීමටද හැකිවෙයි.
මෙම උපකරණය කාන්තා, පිරිමි දෙපාර්ශ්වයටම එක සේ වැදගත් වන අතර මෙය ශ්‍රී ලංකා මුදලින් රුපියල් 10,000ක් පමණ වටිනාකමකට උරුමකම් කියයි.
මෙම බෙල්ට් එක හඳුන්වනු ලබන්නේ වෙල්ට් ලෙසින්ය. මෙම ස්මාට් බෙල්ටය මඟින් කොපමණ වේලාවක් අසුන් ගෙන සිටියා දැයි ගණනය වෙයි. එම බෙල්ටය ඉණ ප්‍රමාණය අඟල් 28 - 44 වටප්‍රමාණය දක්වා හඳුනා ගනු ලබනවා.
මෙය යෝග්‍යතා මිනුමක් පමණක්ම නොව විලාසිතා අංගයක් ලෙසද භාවිත කිරීමට හැකියාව පවතිනවා. විශේෂඥයන් විශ්වාස කරන ආකාරයට වැඩි වේලාවක් වාඩි වී සිටීම මඟින් සෞඛ්‍ය ගැටලු රාශියක් ඇතිවීමට ඉඩ පවතී.
මෙම වෙල්ට් බෙල්ට් එක පැලැඳ ආහාර ගත හොත් ඉන් පසුව උදරය කෙතරම් විශාල වනවාද යන්න නිර්ණය කර ගැනීමට හැකි වෙනවා. එමඟින් ඔබට ආහාර පාලන ක්‍රමවේදවලට යොමු වීමට පුළුවන්.
No comments:
Post a Comment